بنات الاسلام: حيدرآباد شهر جي ميمڻ محلي جو مشهور نياڻين جو اسڪول، جنهن جو بنياد 1940ع ڌاري سنڌي مسلم سوسائٽيءَ پاران، هالن جي مشهور علمي ادبي شخصيت مخدوم غلام حيدر صديقي رکيو هو ۽ هن اسڪول جي بنياد رکڻ واري تقريب ۾ ان وقت جو وزير تعليم ۽ ليبر سائين جي.ايم.سيد به شريڪ ٿيو هو. ڪجهه سال اڳ حيدرآباد جي ڪجهه بلڊرن هن اسڪول کي ڊاهي پلازائن ٺاهڻ جو منصوبو رٿيو هو، پر سنڌ جي سڄاڻ شخصيتن ان جي خلاف آواز بلند ڪري، هن تاريخي اسڪول جي حيثيت بچائي ورتي .